【李麗珍與潘源良離合30年 自爆患抑鬱:囡囡叫我振作】

藝人李麗珍出席ViuTV最新真人騷節目《一切從失婚開始》的造勢活動,節目中她與一名男素人結伴同遊台灣,了解當地婚姻文化同時,二人互相訴心聲:「第一次同素人傾心事,仲要係一名男性,覺得幾好傾,唔使理之後點,當佢係訴心聲機器乜都講,係一個發洩方法,同熟人講得多都覺得悶。」有講到感觸落淚?她笑說:「我比較難喊,除非有大件事,我比較怕醜,反而係安慰番佢,因為佢仲放唔低之前段感情。」

提到與著名填詞人潘源良的一段情結束後,一度情緒受困患上抑鬱,她指不再轉牛角尖,更自己幫自己逃出困局:「喺節目入面有講。(點自己醫自己?)例如畫畫同聽心理醫生分析。(有睇心理醫生?)冇,係朋友問咗意見話我聽,冇去到要睇咁嚴重,不過情況繼續都係咁就真係要睇。(囡囡有幫你?)佢叫我振作,感動到靜雞雞喊。」

 

 

 

 

 

 

 

 

(綜合報道 / on.cc)