【心肝寶貝】薜家燕感激黎小田陪伴一生 送上最後的話語

資深音樂人黎小田(Michael)早前病逝,無綫今晚於電視城錄影特輯《創造經典:永遠懷念音樂巨匠黎小田》以紀念對方,黎小田生前好友也有參與錄影,當中包括薛家燕、余安安、柳影虹等,家燕以全身黑色打扮到場,拍照時也強顏歡笑,難掩哀傷。
現場放有一本名冊,讓嘉賓寫上留給黎小田最後的說話,家燕姐寫上:「Dear Michael,你是我的心肝寶貝,Love Nancy家燕。」,之後就前來接受記者訪問,表示Michael離開了這段日子她都好心痛,一下子還未能完全接受得到,再看到網上流傳着他們當年合作的片段,則令她更加難過。
因為二人相識幾十年,好不捨得,以兩交情她亦盡力協助Michael家人一同處理身後事,同時感激Michael當時一口答應了她伙拍《流行經典50年》,不過去年原來Michael跟家燕表示好像有點不適,打算停下來,只是家燕叫他不好,亦提到Michael十分疼愛她。
被問及何時知道小田有病?她說:「4月份佢同我講,佢心口有啲唔舒服,隻手同個身都會凍,佢成日拖住我隻手話凍,我仲同佢講我着低胸都唔凍啦!同佢講笑,問佢係咪其實想拖我隻手,陳敏之都話係囉,佢又冇出聲。唉!諗番真係好難過,佢真係好錫我,好多謝佢幫我做呢個咁經典嘅節目。(好多時候陪住佢?)係,次次見佢都好開心,可能佢唔畀我擔心,佢係一個好叻同成功嘅音樂家,貢獻好大,係一個好好拍檔。(佢其實係咩癌?)我尊重佢屋企人,唔提佢嘅病係點,總之佢走得好安詳。(佢有冇遺願?)冇,好多人都陪住佢一齊走,我相信佢係感覺到。(佢嘅仔仔返咗嚟?)係一直陪住佢,Michael都開心。」
(綜合報導)
更多報導:

【趁火打劫?】高以翔靈堂開放悼念  竟有人以直播方式斂財 https://bit.ly/2PqxA1M 

【病情惡化】「永安太子爺」郭永淳前妻伍智恆需醫藥費  體重曾只得22公斤 https://bit.ly/2LsqKYK 

【19歲買豪宅】歐陽娜娜吸金力特強  半年勁賺8千萬孖媽咪去揀樓 https://bit.ly/385PEad 

【應該是三寶才對】章子怡自爆胎兒乳名  網友提醒仲有個女 https://bit.ly/2riimE0