最近被傳媒踢爆跟星夢歌手胡鴻鈞疑似拍拖，還被傳媒形容為「拍拖斷正」，男方又一度口快快承認說「係呀」。事件女主角蔡思貝昨日到電視城出席新劇《踩過界II》造型活動，並向一衆傳媒講述她與胡鴻鈞和另一緋聞男友余德丞之間的三人關係…
她再澄清兩人只是好朋友，問到是否了解中……她說：「係成班朋友一齊玩。（點解會熟咗？）前兩年我有跳佢首歌《到此一遊》嘅舞蹈版，又有一齊玩《降魔的》遊戲節目，其實幾年前拍《衝線》已經合作過。」傳媒問她覺得胡鴻鈞怎樣，思貝就讚他唱歌好好聽。
至於問到兩人是否有發展機會她即避而不談，只表示近月都要忙拍劇及拍外景，講到胡鴻鈞曾一度衝口而出「認愛」，思貝再表示兩人只是好朋友。她再次正面回應：「我有咩會喺社交平台度講。（公司唔畀拍拖？）唔係，真係只係好朋友。」
那麽身邊被指是煙幕的另一緋聞男友余德丞又是什麽關係？思貝說他亦是好朋友和好拍檔。
（綜合報道）
