藝人李彩華今年初榮升人妻，36歲的她有感已到適育年齡，加上母親早前開到口恨抱孫，故決定加快步伐，滿足媽媽心願。
早前，她與丈夫到了被譽為希臘最浪漫之地聖托里尼島旅行，務求在浪漫的環境下一擊即中，可惜回港已一段時間仍未有懷孕迹象，「兩人去三人返」的願望落空。
她說：「其實聖托里尼島係我夢寐以求要去嘅地方，一定要同生命中嘅重要人物去，選擇咗同老公去完成我呢個願望。早前媽咪開聲恨抱孫，咁嗰度風景優美，可以睇到最漂亮嘅日落方，喺咁嘅環境下諗住會事半功倍嘛。」
無奈事與願違，幸好老公為她拍下很多靚相留念，仍不枉此行。
李彩華換上不同造型服裝在酒店附近取景，帶來的多款泳衣大派用場，她說：「因為老公好鍾意影相，四出幫我搵景。不過佢影嗰時好緊張，每影一張都要畀我過目，可能佢擔心影出嚟嘅效果我唔滿意。我有叫佢放鬆，唔使咁大壓力。」
對於老公對她千依百順，李彩華直言初為人妻，夫婦之間要時間磨合，也需要遷就和包容，而婚後至今，她依然給老公打滿分。
(綜合報導 / on.cc)
更多報導：
【好姐妹不知情】莊思明湯洛雯不知黃心穎已回港：見到佢喊好心酸 https://bit.ly/35lGZyB
【婆婆命喪於TG】婆婆離世一個月 黃泆潼首現身：無諗過… https://bit.ly/2smpVd7
【拍劇被野豬突襲】萬綺雯嚇親 歐陽震華急護花 https://bit.ly/36y4JQb
【動作演員代價】甄子丹每場都有傷 年紀大會惡化 https://bit.ly/2YNCsSY
