【想帶仔女睇東京奧運】郭晶晶:個仔會問我係咪識跳水

    「跳水皇后」郭晶晶早上到元朗出席慈善單車賽,沒有帶同仔女來,她透露仔女喜歡踩單車,放假會在樓下公園踩。

    問到不怕仔女踩單車受傷?她表示:「唔怕佢哋受傷,小朋友要多啲玩,跌親就自己企番起身,我會問吓佢哋有冇事。」

    講到老公仔讓仔女洗車賺零用錢,讓他們學會珍惜,對此她表示:「係爹哋諗嘅,哥哥覺得自己大個,好多嘢可以參與,妹妹就陪哥哥。(會畀零用錢佢哋?)哥哥大個啲會有獎勵,畀佢買吓小朋友嘢,有時佢都會送禮物畀嫲嫲,妹妹就有糖。」

    講到聖誕節,她表示一家五口會出埠旅行,會去天氣較暖的地方。

    而提到明年東京奧運,她表示會去,問到可會帶埋仔女去?她表示:「都想,如果可以嘅話,到時都係暑假。(會睇咩運動項目?跳水?)有時個仔都會問我係咪識跳水,之前都帶過佢睇,但佢嗰陣仲細,唔係好明。(嚟緊帶佢睇跳水?)如果可以都想,同埋帶佢哋睇唔同運動賽事。」

    (綜合報導 / on.cc)

     

    更多報導:

    【婆婆命喪於TG】婆婆離世一個月 黃泆潼首現身:無諗過… https://bit.ly/2smpVd7

    【發長文向老公表白】謝和弦高調認愛小三 懷孕妻子潛水十日終發聲 https://bit.ly/2PLGjfh

    【高以翔告別會】葛仲珊步靈堂時時哽咽:對不起 https://bit.ly/2PKISOO

    【霆鋒初戀】拍拖近20年 辛尉嫁梁焯皓結束愛情長跑 https://bit.ly/2PqqJa9

    SHARE