【改朝換代】汪明荃直斥「山頭主義」:希望公司珍惜下同事努力 曾志偉鬧爆港姐慘變錄影倒戈上ViuTv

    已經入主無綫8年的陳國強,傳出擬辭任無綫董事局主席,其實自他入主無綫後,由於用人為親,令無綫出現「山頭主義」,高層們爭權爭勢,令藝員淪為派系犧牲品,在無綫效力多年、有輩份有地位的「阿姐」汪明荃和曾志偉,都先後發聲怒轟無綫。

    在邵逸夫年代叱咤電視圈的無綫,近年風光日子一去不返,惟自陳國強入主後,高層余詠珊、杜之克、曾勵珍、樂易玲各據山頭,去年大台頒獎禮上,阿姐與無綫開台功臣羅仲炳代表全台領取「50周年光輝獎」,阿姐致辭時代全台發聲:「希望公司可以好好咁珍惜我哋每一位,雖然我哋個個都好搏、好捱得,不過如果公司嘅人工可以加多啲,休息嘅時間可以加多啲啲,關心多啲啲,山頭文化少啲啲,一定可以發掘同埋挽留到更多嘅人才。」

    阿姐的一番敢言評論,獲得不少業內人士拍爛手掌,其後阿姐回應傳媒:「呢個問題(山頭文化)其實好多公司都有,既然而家老闆咁有心想做好電視發展,希望公司好好珍惜人才,我都係講咗好多人想講嘅說話啫。」而羅家英就嫌阿姐講得未夠激,出席活動時說:「山頭係要去拜,唔同山頭,代表以前有好多大王霸山頭,TVB好多寨主,嗰啲係賊頭……」

    至於同樣效力無綫多年,被指流着無綫血的「獎門人」曾志偉,有傳跟高層余詠珊不和,最後更公然倒戈上ViuTV講波,結果辣㷫無綫下令封殺。

    曾多次擔任港姐司儀的曾志偉,於2013年港姐競選期間,寸爆由余詠珊統領的新改革賽制,由做現場(Live)變為錄影,志偉爆粗鬧:「X你老X!港姐係Live,點解要錄影呀?」前年9月,志偉再寸爆港姐決賽:「慘不忍睹!」去年再寸港姐淪落到去西貢拍外景,完全沒比面大台。

    此後志偉和無綫關係陷僵局,雙方減少合作,直至前年志偉才「復出」無綫主持《萬千星輝賀台慶》,怎知去年7月,志偉卻倒戈為ViuTV的《Good Night Show 全民睇波派對》做嘉賓,更以「明星足球隊」名義,拉大隊往俄羅斯欣賞世界盃的終極大戰,明剃無綫眼眉!

    (綜合報導/蘋果娛樂)

    更多報導:

    【全場嘩然】黎芷珊親身自爆曾被王晶邀拍三級片  森美:名片喎 https://bit.ly/2rOlNTa 

    【努力被掩蓋】努力被「天王嫂」一名抹殺  昆凌霸氣回應勁冧粉絲 https://bit.ly/2YXo7DB 

    【離開TVB無嘢撈】金剛深夜訴心聲  大講自己好痛苦:希望能夠花小小時間欣賞藝人 的作品 https://bit.ly/2YSB7un 

    【開拓大灣區】TVB內部通知流出  裁員約近350人 https://bit.ly/2swyqCi 

     

    SHARE