只從劇集《多功能老婆》播出後，應該定能喚醒起大家夫妻之間的相處之道吧。而劇中楊千嬅的角色雖然被老公出了軌，但現實中楊千嬅與丁子高恩愛如昔，就等好老公親自剖白如何維持到恩愛的關係；
丁子高與楊千嬅於2009年成婚，直到現在都甚少出現緋聞或爭吵，丁子高就表示：「結婚十年冇鬧交係冇可能，但唔嚴重，我唔開心、嬲，大家就即刻散開，我會落公園行開吓。我覺得發脾氣去討論一件事，只會傷感情。我哋係唔會冷戰，問題唔會隔過夜，因為冷戰愈長愈傷感情，好無謂。」。
提到假若大家都處於一個憤怒狀態的時候會怎麼辦，丁子高就說發脾氣誰都會錯，大家都會互相道歉，認為尤其夫妻不能夠把面子放到很大，因為態度愈差情況愈差，而且雙方都清楚對方的底線：「如果愛佢，佢有100條底線都唔會覺得麻煩。」
然而，對於出軌這一點太太楊千嬅都曾強調過丁子高是絕對不會做的，丁子高笑了笑說：「出軌呢啲事唔會喺我身上發生，我都100%相信丁太唔會出軌！」。
他明白出軌會傷害家庭、傷害事業，更不想傷害在兒子心目中的爸爸形象，並進一步剖析男人出軌的原因：「出軌嘅人唔關年紀大細，出軌係一件幾小朋友嘅事，係只愛自己、只掛住自己感受嘅人，如果一個人成熟係會尊重同愛家人，我會交換角色去睇，如果老婆出軌我會點呢？」
難怪他們能夠恩愛多年，成為了圈中模範夫妻之一啦！
(綜合報導)
更多報導：
【媽咪好可愛】孝順仔黃建東幫媽咪慶生 點知媽咪講錯嘢笑料盡出 https://bit.ly/35zva82
【愛心爆棚】5歲小女孩極具同理心 義賣曲奇全捐助孩子午飯錢 https://bit.ly/38QC1fh
【一睡胖幾斤】一代影壇紅星趙文瑄突暴肥 網民大叫完全唔認得 https://bit.ly/2Z1qupa
【有新成員】《愛回家》宣佈將有新成員加入︰保密得好辛苦！https://bit.ly/2sANI9k
