【宣告投降】 3歲AJ模仿爸爸台型十足! 杜德偉冧到暈「有接班人」

杜德偉(Alex)身在台北為平安夜假北京舉行的巡唱積極綵排,笑言已進行到「六親不認」的搏殺境界;
可是太太李曉冰(Ice)日前專程帶同寶貝囝囝Alex Junior (AJ)前來探訪,令他不得不宣告投降:「對住AJ我沒辦法了。」百忙中也暫放下工作片刻陪囝囝玩。
期間,AJ連續陪住Alex和band練歌兩日,最有趣是只有三歲的AJ極有表演欲,常模仿爸爸唱歌之餘,又自high跳「得意舞」,搞到Alex心心眼,更忍不住大力錫啖囝囝,又說:「收工啦,你可以返屋企。」
Alex接受訪問時,大讚囝囝有演藝天分:「佢的而且確對音樂好有反應,好鍾意模仿人,我咪畀支咪佢,我唱乜,佢唱乜,佢又唔知自己唱乜,但啲音好準。」
不過北京的歌迷暫未有機會欣賞到AJ上台演出,皆因當地天氣太凍太乾,況且他想集中精神做騷,故囝囝在他開騷前先回港,待他完騷後也即回港陪寶貝仔過聖誕。
至於今次巡迴,Alex說是全新編排,全騷只唱經典國語歌,且更是集港、台最精英又合作過的班底,唯獨dancers是首度同台:「好多都係20歲出頭,可以同我嘅年紀拉番勻啲,哈哈。」
(綜合報導)
更多報導:

【登堂入室】準大嫂張馨月受盡愛戴  林峯夏薇齊人過冬至 https://bit.ly/2rjd3nU 

【貌合神離】王浩信陳自瑤冬至繼續「分開」  夫妻各有各生活 https://bit.ly/34N8Nuw 

【白色聖誕】陳茵媺舉家齊到加拿大過聖誕 小朋友排排坐玩雪  https://bit.ly/2SpgMv8 

【好事近?】阮兒孖衛志豪罕有放閃 網民狂恭喜 https://bit.ly/34NPCAI