【新郎係…】孫慧雪上婚姻輔導低調「再婚」:仔仔好唔開心

2016年12月23日女神孫慧雪與圈外男友Edwin Lo結婚,兩人育有2歲子Riley,不過佢竟然自爆「再婚」!
 
雪雪再披嫁衣喺教堂行禮,而Riley都在場,新郎究竟是誰?原來都是Edwin!
今次的「再婚」原來主因是他們三年前的婚禮無選擇任何宗教儀式去進行:「神父幫我哋揀咗今日接受上主嘅祝福,咁啱係我哋三周年紀念日,我哋自己其實都唔記得!有埋Riley喺度嘅婚禮,好嘈⋯⋯但溫暖♥️ #三周年紀念#同呢個人再結多次婚」
而這個婚禮非常低調,再度成爲人妻的雪雪自己化妝弄髮型,簡單而隆重。
講到阿雪與老公趁結婚3周年,在教堂「再婚」,她笑言因為兒子要做嬰兒洗禮:「做儀式時神父就話我哋結婚冇行禮,但老公係天主教徒,所以神父叫老公要告解,因為天主教嚟講唔當係結婚,所以要行禮先叫結咗婚。(老公咁大懵?)係囉,佢都唔知。」
她又笑言為了行禮,要事前上4小時及3小時的婚姻輔導:「要重新了解婚姻嘅真諦,重新了解對方,但都好嘅,有幫助,原來我哋之前有啲諗法係唔熟悉。」
問到囝囝當日的感受?她笑言:「佢好唔開心,因為我哋坐前面,所以佢嚟咗前面坐我大髀。」她謂行禮自己亦很開心:「細個想有咁嘅儀式,依家好似圓滿咗咁,仲有囝囝參與好開心。」
(綜合報道)