【順產定開刀?】楊思琦舊患復發 自爆佗B八個月狂飆__磅:好難搞

現已懷孕8個月的她,預計BB將於農曆新年後出世,她指現時身體狀況不俗,只是肚皮非常大及容易疲倦!思琦透露決定在港分娩,希望今胎能跟上次一樣順產!
她說:「我骨架細,行路有啲吃力,似攬住包米,行太快會扯住,依家重咗30磅,上一胎個Size冇呢個咁勁,最辛苦係舊患腰骨好痠!(老公同個女幫手按摩?)好難搞,真係唔可以用言語形容,惟有瞓覺成日轉唔同位置,準備好多枕頭。(抽筋?)有,家姐(指大女)會幫手按,好乖。(兩個夠晒數?)夠晒。」
她坦言未有為生B設下停工Deadline,認為若有工作能應付,時間又不太長,也不介意接。
對於有謂一孕傻三年,思琦自嘲向來記性差:「依家好多時會突然唔記得嘢。(生完休息幾耐?)坐足月,暫時未有特別規劃。(改名?)未諗,睇吓出嚟感覺點先。(老公多啲時間照顧你?)冇額外要求。」談到一直未有談及老公背景,她表示想留一點私隱,故未有計劃公開。
(綜合報道)