【公開最work產後收身方法】育有3女1仔 陳浩民蔣麗莎計劃再生!?

藝人陳浩民帶同太太蔣麗莎和4個子女為芭蕾舞學校主持剪綵活動,4子女現場試玩空中舞,見他們玩得好投入不停自轉,而蔣麗莎就忙於為四子女拍照。
問到陳浩民照顧4子女時,他坦言因返內地工作,大部時間都交由太太照顧,更深明當母親的難處:「佢係辛苦架,唔簡單,我湊一個都覺得好攰,佢好唔話得幫我生4個,仲捱4刀,養唔難,兩碗啫,教育先難,好彩有佢幫手,我一個點帶4個,好快就光頭都似,我頭髮冇乜得剩啦!」
湊4個子女但太太仍keep得好好,他謂:「湊仔是最好減肥方法。」
問到4個子女誰最活躍?陳浩民笑說:「我囉!」蔣麗莎指是兒子,可能家中只有他一個男仔,所以她都會花多點時間在他身上。3女兒可會呷醋?她謂:「又唔會,佢哋3個有一個圈子,好多嘢傾同玩。」陳浩民笑言:「即係3個女仔一個墟。(特別錫仔仔?)喺鏡頭前我個個都錫嘅!」再追個仔等兒子有伴?陳浩民稱會順其自然,是天注定,要來都歡迎。而蔣麗莎表示自己都喜歡小朋友。
問到陳浩民近日可有工作要返武漢?他稱暫時不用,都會留在香港過新年,不過若有工作都不會刻意推掉:「我覺得食幾多,着幾多整定,唔係有疫情先要小心,任何時候都要注意個人衞生,做好自我保護嘅基本,當有新聞嘅時候就做多少少預防,洗多啲手,飲多啲水,做好基本。」
(綜合報道 / on.cc)