【點返香港?】胡諾言陳琪旅行竟然唔見全家護照!

藝人陳琪向來喜歡趁仔女放假便舉家外遊,早前便趁聖誕節重遊台灣,笑指每次出外一拖幾,所以挑選最熟悉的地方較為方便!
沒料今次的旅程發生了一段小插曲,差點流落異鄉…
陳琪說:「我哋自駕遊,落機後去租車公司拎車,點知發現唔見咗放證件嘅袋,嗰刻真係好驚,腦海浮現好多畫面,不斷諗番落機後嘅畫面,諗到我哋喺一個位影相,途中放咗個證件袋喺行李車上,可能跌咗附近,即刻返去搵,好在搵得番,都算好彩,第一次覺得有樣嘢係畀唔見錢更重要。」
不見全家人的證件,隨時回不到香港,實在令人擔心,連玩樂的心機都都沒有了!大家有試過嗎?
終於找到全家證件後,一家五口心情即由憂心忡忡馬上變靚,然後又一齊四圍吃喝玩樂!
她說:「今次好好玩,專登安排行程唔太忙,去一個地方hea少少,之後返酒店休息,最搞笑係帶小朋友去做機械人,整成3、4個鐘,爸爸悶到放蚊,後來因為機械人太大件,最後仲要佢手提行李上機,真係大整蠱。」