【2孩之母鍾嘉欣Fit爆再度返港:本來決定全家返香港住一段時間】

育有一對仔女的靚媽鍾嘉欣專程由加拿大回港兩日到尖沙咀出席活動,她說:「每次返香港都好珍惜,今次早一日返見吓朋友、團隊。本來幾個月之前計劃老公、仔女都返嚟香港住一段時間,但係依家計劃轉咗會繼續留喺溫哥華,今次返嚟都可以趁機抖吓,亦都可以衝擊思想,咁會健康啲。」
屬鼠的鍾嘉欣指新一年承諾自己和團隊會勤力點,她笑說:「結咗婚四年,生咗兩個小朋友,今年會勤力啲,都有傾緊拍劇、電影、唱歌,因為團隊覺得我唔夠勤力,自己希望今年可以步步高陞,學業進步。」
嘉欣Fit爆返港,完全不像生了兩個孩子的媽咪
決定減少時間陪小朋友同老公商量過?嘉欣:「我又冇諗住減少時間陪佢哋,老公其實一直都好支持我做嘢,佢話Happy Wife Happy Life,佢話我想做演藝嘅工作,我哋就商量諗辦法去實行。」
會否不捨得小朋友?嘉欣:「好彩依家有兩個,佢哋兩姊弟都好相親相愛,個女已經三歲都知道媽媽要工作,佢仲好期待我今次返香港會買玩具畀佢。(再放多啲時間喺工作上?)其實小朋友OK,係我自己唔捨得,唔想離開佢哋太耐,嚟緊呢幾年都會維持依家咁短短嘅時間。」
(綜合報道)