【下年派利是呀】黃翠如派口罩代替利是 爆下年到佢派!?

武漢肺炎疫情持續,本港「一罩難求」,喺呢個口罩如此珍貴嘅時候,唐詩詠就獲友人送贈口罩,令佢大為感動,佢喺社交網發文感謝好友:「朋友唔需要多,有真正愛你嘅就足夠,謝謝。」
黃翠如今年以口罩代替利是,非常識做!令身邊兩位朋友大爲感動~
此外,唐詩詠亦相約好姊妹黃翠如及陳敏之聚會兼拜年,見翠如向佢派利是,更開到聲「催婚」:「希望你下年就開始派利是啦,下年派利是呀,下年派利是呀!」
翠如對詩詠說「下年派利是呀」,莫非知道詩詠好事近?
但詩詠就一於懶理扮聽唔到,仲話:「下年你要繼續畀我呀!」相當搞笑。事實上,此利是不同彼利是,翠如利是內有乾坤,原來入面係口罩,詩詠即開心表示:「新年唔派利是,派口罩,仲開心。」
(綜合報道)