【歐陽巧瑩免費派口罩給港人:呢刻要互相幫忙 好過互相搵大家錢】

歐陽巧瑩早前宣佈今年3月約滿無綫,目前正與老公林師傑及另外兩位朋友開設新YouTube channel,今晚歐陽巧瑩與林師傑都轉發消息,表示終於成功從外地購入1,500個口罩,將會抽籤免費派給香港人。

歐陽巧瑩向傳媒透露,睇新聞見到好多人天寒地凍去排隊搶口罩,身邊亦有不少朋友在網上買口罩,但疑似被人呃錢,自己與拍檔就嘗試從海外入貨,終於成功買到少量口罩,她說:「數量真係唔多,都係得1,500個,total入貨都係用得幾千蚊,收又唔係,咁不如免費派啦。」

她表示只限香港居民參與,想幫到有需要的人:「冇口罩,香港人都仲係要返工。我身邊有啲朋友都係,而家得番十幾個,日日都要返工,唔通重用咩?我自己都重用過一次,係好唔舒服囉。口罩已經污糟,又有味道,仲要用多一日,既然有方法買到返嚟,就share吓,今日我幫人,他朝都需要人幫我。」

歐陽巧瑩又指上次提過自己缺口罩,結果一呼百應好多人送上口罩,她亦充滿義氣說:「喺呢個moment互相幫忙,好過互相搵大家錢。」

近日有人在網上呻,原先準備赴運的口罩臨時被截單,歐陽巧瑩透露遇過類似情況,原本一星期前與印尼方面傾好,但不知原因下被退訂,這批1,500個口罩就來自泰國,目前總共花約$7,500,目前正與德國、美國商家接洽,如果成事會繼續派口罩。

詳情如下:

 

 

 

 

 

 

 

(綜合報道)