資深藝人姜大偉（John）尋日（29號）就踏入七字頭，正式70歲生日，咁高興，當然要搞大佢，請嚟一班親朋戚友到場賀壽，當中就唔少得幾位仔女、女婿曹永廉、哥哥秦沛嘅一對仔女姜文杰、姜麗文，仲有世姪女鄭欣宜、羅敏莊一家等等，難怪見佢張張相都咁風騷～
姜麗文就上載咗多張大壽嘅相，入面唔止見到現場擺咗主角姜大偉嘅Cute爆童年照，又有大蛋糕，仲有姜家齊齊興奮切燒豬，真係睇相都覺得夠晒氣氛，加埋又有姜文杰、姜麗文同欣宜捉實壽星影Selfie，呢個生日絕對難忘啦！
生日快樂呀，John哥！
(on.cc東網)
