45歲嘅黎姿，08年退出娛樂圈，翌年與商人馬廷強結婚。相信對於黎姿嚟講，價值連城應該就係3個女。

佢啱啱喺微博貼咗一張豬嘅寫實畫，話自己好鍾意呢隻豬：「其實我最鍾意粉紅色的小豬豬！我屋企就有三隻！」仲留咗「粉紅小豬」、「PinkPiglets」、「luvmydaughters」呢幾個tag，講到明話係錫晒3個千金。

雖然一如以往黎姿都係冇公開3個女嘅生活相，但呢位媽媽嘅親子關係就絕對係非常好，上個月母親節就收到3個女親手畫嘅母親節卡，連同送俾婆婆個份，啲卡鋪滿成個微博，係溫馨嘅。

(蘋果日報)