【全民搶罩】汪明荃完全搶唔到口罩 家英哥一個都無!

武漢肺炎全球爆發,市民連日來都爲家人及親友不斷搶購口罩,連Liza姐汪明荃也因為口罩不足而四出向朋友求助,結果外地好友看到阿姐求救後即伸出援手送出兩盒口罩應急,令阿姐大為感激,昨晚特地拍片向送贈者道謝。

阿姐說:「我真係好好彩,我有啲朋友嚟自世界各地,佢哋都知道我缺乏口罩,我計過,我如果一日用兩個,兩個已經係最少,因為我成日要開會周圍走,用完咗又唔可以翻用,我預計自己可以用兩個,一盒得10個,5日就冇晒,所以我都睇吓啲朋友班唔班到啲口罩畀我,家英哥(羅家英)去咗馬來西亞拍戲,我以為嗰度唔係咁嚴重,我問佢,一個都冇呀!佢話新加坡都有疫症發生,所以佢哋都好緊張,完全冇得買,我啲朋友用佢哋方法幫我班咗兩盒。」