羅仲謙和楊怡結婚4年，今日終於報喜，40歲的楊怡已懷孕6個月，預產為今年5月底。今日下午2時半，羅仲謙獨自一人離開寓所，揸車到附近體育館做健身，在場外需要量度體溫，而羅仲謙亦有用搓手液保持衞生。
戴住口罩的羅仲謙一落車便獲在場記者不停講「恭喜」，他亦有做「多謝」手勢。問到太太在那裏？他說：「喺屋企。」
傳媒問他太太佗B仔定B女，他未有透露，隨即說：「今日講完之後，唔會再講太多，得到好多朋友祝福，其他嘢就遲啲先講。」他透露太太身體好健康，全家人亦很開心，問到開頭是否不敢相信太太有喜？他笑說：「我初頭係比較冷靜，始終，唔知啦，後來冷靜完其實係一份喜悅。」
現在武漢肺炎疫情嚴重，問到是否不讓太太出街？他說：「正常都要運動，喺屋企都會郁吓，我陪住下會出去行吓，但都避免去人多地方。」他透露即將開拍新劇，自己會加強衞生，他說：「我差唔多要開工，自己都有注意多啲，但又唔太擔心，因為自己好注意衞生，一返到屋企會除衫除鞋係咁噴，盡量唔將細菌帶返屋企。」
屋企會否加強衞生？他續說：「同平時差唔多，因為本身都注重衞生，唔使特別加強，keep住，但會少啲出街。」是否有足夠口罩？他說：「自己屋企都ok，多得好多朋友幫助，自己未必有時間去買，朋友、屋企人都會幫手。」
（綜合報道）
