【連孫仔都唔見得】曾與患者住同一酒店接觸多人 葉麗儀自我隔離14日:要盡好公民責任

移居澳洲的葉麗儀本應返港宣傳明日推出的新曲加精選專輯,但因新冠肺炎疫情肆虐,她未能返港:「我都希望返嚟,因為喺香港好多朋友,想返嚟為佢哋打氣。」
她自爆正身在澳洲隔離,因為2月1日她在新加坡做了一場演唱會,她入住的酒店有一名中國遊客確診送院,當晚完騷後她還跟20團,大約7、80個華籍貴賓影相,因為接觸過好多人,她得知消息後,翌日返到澳洲決定自行隔離兩星期。
她說:「今次一樣唔出街食飯,就算同啲孫住樓上樓下,都係用手機facetime見面,佢哋煲湯、整鬆餅攞嚟畀我哋食,都係企門口、大廳角落傾偈,唔可以摸或抱佢哋,等佢哋搭𨋢走,我先去門口攞嘢。」今日情人節剛好是隔離最後一日,她說:「應該要做嘅嘢都做了,我哋兩公婆情況唔錯嘅。」
她亦有又提醒大家要盡公民責任,去過大陸或接觸過病菌的人要進行隔離,她說:「千奇唔好有個心態覺得隔離係好醜嘅事,對自己及家人安全最緊要,大家唔好氣餒。」她更感激在工作崗位的醫務人員盡忠職守。
(綜合報導)