【唔認老唔得?】藤原紀香步姐出活動歲月催人

    藤原紀香雖然已經年近半百,但仍然係性感女神,之旦係女神都有衰老嘅一日,佢日前喺代言嘅隱形眼鏡宣傳記者會上,自爆自己有老花!紀香話佢以前視力出晒名好,當年去肯雅仲可以睇到遠處嘅獅子,當地人大讚佢好眼力,不過依家睇嘢要有個距離先睇得清楚,被年輕經理人取笑!

    同樣係「天后」級嘅濱崎步,之前講過多年嚟嘅訓練已經搞到自己「周身傷」,膝蓋骨六年來一直惡化,2008年公佈左耳失聰後,最近右耳聽力亦開始衰退。

    不過為咗證明自己地位不保,呢日步姐就係節目公開自己豪華新居,據報拍攝節目當日,佢帶咗25個跟班踩入錄影廠,包括5個經理人,5個唱片公司員工、4個形象師、4個髮型師、2個教練等,認真誇張!

    (原文:SINA)

    SHARE