【慘做父母夾心人】網民齊撐笑錯左 劉子千:感謝大家支持!

    想當年唱「我的字典裡沒有放棄」唱到被網民笑嘅劉子千,原來佢唱呢首《唸你》係有段故!日前甄珍喺facebook寫千字文,爆出多年來被劉家昌苛索金錢,同時劉家昌點樣迫仔仔子千錄製《唸你》專輯!

    甄珍喺千字文入面提到:「劉家昌一定要子千回台錄製《唸你》專輯,子千不願意,拜託爸爸讓他做自己的音樂,最後為了不讓我為難,子千只好勉強答應。」又話劉家昌為咗繼續操控子千,就威脅個仔:「你不聽我的,我就對外說你在家打爹罵娘!」劉家昌被網民鬧爆係雙面人。

    網民知道真相後,覺得當年係「笑」錯咗子千,紛紛喺子千facebook撐佢,留言話:「期待也歡迎你以第一張專輯的姿態回到樂壇,面對惡勢力勇敢站出來!」、「我為我曾經嘲笑過你感到抱歉,但「念你」真的蠻可笑的。劉家昌真的蠻可笑的。」、「明明可以寫出好歌的人,卻被自己的父親糟蹋了!」

    至於主角子千,多日嚟都冇回應父母嘅言論,但星期三半夜就更新facebook張profile picture,用英語留言多謝網民支持:「我從心底感多謝大家支持,願上帝保佑你哋。」(From the bottom of my heart I can only say to you all, thank you for your support. God Bless.)

    (原文:SINA)

    SHARE