【疫流而上】李泳豪餐廳防疫措施做到足 聞舊愛楊思琦生B…

    李泳豪今日為處境劇《愛.回家之開心速遞》拍攝,現時新冠肺炎疫情嚴峻,有經營食肆的他透露生意OK,還頂得住:「輸少少囉!(客人係咪少咗?)一輪一輪。」

    他原有三間餐廳,最近再入股爸爸李家鼎的中式食店:「原本今個月搞開幕禮,但都取消咗,依家係試業中,間餐廳喺山頂,雖然少咗遊客,但有好多本地客,好多人都上山頂吸新鮮空氣,所以生意OK,真係估唔到。」

    他表示餐廳的防疫措施做到足:「酒精消毒好齊,員工會戴口罩,每日都清潔好多次,有諗過幫客人量體溫,但啲客唔多鍾意,所以冇做。(使唔使控制人流?)唔使,因為我賣嘅拉麵都係限量,每日得一百至一百二十碗。」

    另外,提到舊愛楊思琦最近誕下兒子,他即時落閘表示:「唔回應喇!」

    (綜合報導)

    SHARE