這一段日子，相信大部份人都決定留在家中避炎症，但留在家中沒事做的時候，就當然是去煲劇啦！大家早陣子應該都有聽過一齣韓劇《愛的迫降》吧，講述的是北韓軍官和南韓富家女的甜甜愛情劇，而男主角更是男神玄彬！
《愛的迫降》雖然已經大結局，但係一眾劇迷仍然活於幻想之中，好難抽身，上至少女下至太太們都叫自己做玄彬太太，因為飾演北韓軍官的玄彬實在太溫柔又體貼，最重要是好靚仔！
正當大家都處於甜蜜之中，洪永城竟然在這個時間在社交網揭露北韓軍官真面目，曾經為拍攝節目，他走到北韓旅遊，因此以當年與軍官的合照打算破滅一眾玄彬太太的幻想！
他說道：「毒，我就無中，不過的確開始睇咗幾集愛的迫降，我知你知北韓嘅玄彬應該係咁嘅樣，因為我接觸過。而且如果要睇南北韓邊界嘅故仔，我推薦可以睇JSA安全地帶，故事寫實、透過一件又一件細微嘅事，去描述相隔一條警戒線天與地嘅分別，而個故事仲可以做到係推理，抵佢咁好睇。#在那遙遠的地方北韓 #2015」
帖文一出，一眾玄彬太太大話洪永城好殘忍，不過李綺雯就心水清，一句突破「盲腸」：「我知啦，你一定搵個最唔靚仔嘅影，然後襯出你自己靚仔呀嘛，一定係咁」
而區永權就替洪永城擔心：「你好有可能，將會成為一眾玄彬太太嘅敵人」而黃翠如就都鬧埋一份：「U r super bad」。
(綜合報導)
