【自發上山執垃圾】爆仔仔剛分手 王敏德心痛:我都想仔女搵到True Love

王敏德(Michael)日前就為無綫節目《流行經典50年》錄影,表示近日香港人不快樂兼壓力大,故特別選唱勵志英文歌為大眾打氣;
對於疫情的影響,他表示最近都有自發上山幫忙執拾垃圾,希望盡力保護自然美景,而家中亦有常做清潔:「太太就成日抹嘢。(大女曼喜忙拍拖都幫手?)佢唔喺屋企,喺社交網見佢好多Post扮Sweet,不過我都識個女仔好耐,有一齊食飯。(曼喜成日換女友喎!)都有問佢呢個問題,佢都話好攰,希望呢個係最後,我都想仔女搵到True Love。」
Michael之後更爆仔仔剛剛分手,會否教授仔仔如何追女仔,他則笑說:「唔使,我覺得佢ok!佢有自己Style,細女就比較Private,好耐冇見佢身邊有男仔,可能佢想集中Model事業。」
(綜合報導)