【行到暈】撇低仔仔去行山 車婉婉竟然帶咗BBQ個水壺自己就…

近日武漢肺炎肆虐,香港仍有新增個案,過去個多月來人人出街均戴上口罩,為了吸吓新鮮空氣,近期好多人都去行山。

日前,就連BBQ媽咪車婉婉都決定撇甩仔仔,聯同友人們齊齊都郊外行山挑戰,還拍下不少在山上看到的美景,她留言寫︰「是日挑戰不一樣的行山!朋友仔問我要不要今日join佢哋去行有少少挑戰性嘅行山徑,我諗住我平時都有行吓山,爽快應約!點知開始上山一分鐘就知……大件事!」

向來有做運動和行山的車婉婉,沒想到此次行程富有挑戰性,她表示︰「剩係上山嗰段已經好斜,之後又落、又上、又落、又上、又斜、又落、又上、又爬、又驚、又刺激、又石、又水……又無帶太陽油,仲有帶咗我個仔個水壺,容量太少,不夠水份,差啲中暑,但係上到去,好多美麗的景點真係巧靚,又見到好多朋友仔,大家互相問候早安,仲鼓勵我,又合照,超級溫暖。I Love Hong Kong」
車婉婉果然是盡責的媽媽,就連BBQ不在身邊,都竟然會手誤,拿了仔仔的水壺,搞到自己就差點因不夠水而中暑,雖準備不足,但她最終都能完成行程︰「用了3個半小時完成壯舉,之後感覺極之良好,雖然個pat pat在完成一刻有少少抽筋,但係完全走出Comfort Zone嘅感覺巧正,原來我手軟腳軟都可以做到㗎!」
完成今次挑戰後,她好像更加喜愛行山,還說︰「抗疫中自強,我帶隊再去!Who wants to join? 我承諾下次會準備好啲。」

(綜合報導)