【恭喜晒】父母未能到場見證靠視像 莊思敏極低調家中出嫁

    現年39歲的藝人莊思敏(Jacquelin)原來日前已經低調簽紙出嫁,下嫁台灣珍珠奶茶店老闆楊秉逸(Brian)。

    兩人並未有大排筵席,而儀式只在Jacquelin家中舉行,只有親友在場見證重要時刻。

    由於疫情關係,雙方家長未能來港見證簽字儀式,他們透過視像觀看,莊母更搞笑地叫女兒要用個魚網網住老公,及要讓對方透透氣,全場一片歡樂!
    一對新人宣讀誓詞後即時與家人合照,但竟然忘記交換戒指,要其他人提醒,烏龍中帶點甜蜜!之後兩人在親友起哄下三度咀嘴,甜到漏。完成儀式後,新娘拋花球,由Jacquelin的胞妹莊思明接得。
    Jacquelin表示:「最後雙方家長都嚟唔到現場,簽字時facetime佢哋,我阿媽好想講嘢,我又聽唔到佢講嘢,所以都幾搞笑。現場好多係自己朋友,好輕鬆似係開party多啲,成件事好開心,未有特別感覺,剛剛做人老婆,暫時我個狀態都係差唔多,我會繼續開工,老公之後返台灣要隔離,我都好感謝佢今次過嚟,跟住承受兩星期嘅隔離。」
    (綜合報導)
    SHARE