歐陽震華(Bobby)同邵美琪今日傍晚6點幾就喺中環城皇街同荷李活道拍劇，戲份講到Bobby抱住大肚婆邵美琪，見佢哋喺斜路最少拍攝兩次，其間見到Bobby嘅衫都濕晒，仲同記者講跑咗兩、三次好攰，而被抱嘅邵美琪都被抱到流晒汗。拍咗一陣，劇組就補拍佢哋喺平地鏡頭，再抱住跑10幾米，Bobby都一臉吃力，佢更企埋欄杆一邊索晒氣。
現場見Bobby都好受途人歡迎，包括南亞裔人士都係佢fans，Bobby全部來者不拒，更「發哥」上身揸機同佢哋selfie。
之後，佢哋分別都有替身再進行拍攝，見到男替身就抱住邵美琪拍一啲近鏡，而Bobby就同邵美琪女替身平排而行嘅戲份，拍咗一陣就完成，就見到吳業坤嚟咗同Bobby一齊離開。
(蘋果日報 / 東方日報)
