【係母愛啊!】杏兒抱B手勢有番咁上下

一班「胡說八道會」成員胡杏兒、黃智雯、胡定欣、胡蓓蔚、李施嬅同姚子羚,最近就飛咗去澳洲拍節目,成班好姊妹可以寓工作於娛樂。

佢哋最近就去咗餵袋鼠,杏兒就喺社交網上載咗相。

杏兒就留言「多謝 @thekangaroosanctuary and Brolga畀我一個難忘嘅經驗同練習呀!」

相中見到抱住小袋鼠嘅杏兒一臉慈愛,母愛大發,好似抱緊自己嘅BB一樣,畫面不知幾有愛。

難怪網友都留言話杏兒一定好期待BB嘅來臨,咁快就學定抱B嘅手勢呀!

之後杏兒又晒咗張同定欣、胡蓓蔚及姚子羚擺出「LOVE」動作嘅相,網友都大讚靚人靚景,好想join佢哋一齊欣賞呢個咁靚嘅夕陽呀!

(on.cc 東網)