【勁多名人到賀】大劉甘比拖到實

大劉一手撐拐仗，一手拖住甘比，於7時40分左右到達，精神同行動都明顯較之前穩步。。。

林建岳今日60大壽，林家喺中環好酒好蔡設宴款待親戚朋友為林建岳慶祝，連前特首梁振英同太太梁唐青儀都有到賀，兩人只係逗留一陣就離開。大約在晚上7時許，林建岳嘅型爆細女林利兒穿上黑色小背心、貼身褲現身。之後龍鳳胎林孝能、林心兒一齊到場。

據知，林建岳會一連兩晚舉辦壽宴，今晚主要招待政商界朋友，包括唐英年、劉鑾雄同太太甘比、黃德如夫婦，而聽晚先會宴請演藝界朋友，不過任賢齊、蘇永康同黎明今日已先後到場。

大劉一手撐拐仗，一手拖住甘比，於7時40分左右到達，精神同行動都明顯較之前穩步。晚宴設於大廈五樓，甘比原先示意可以乘座升降機，不過大劉似乎想用扶手電梯多啲，之後拖住甘比，連同身後四位保鑣，由扶手電梯登上五樓酒家。小齊被問到送咩禮物時，佢話聽日會再講。至於蘇永康就穿上黑色登台西裝現身，被問到送咩賀禮？佢亦只係揮揮手，指指鏡頭。黎明乘坐七人車到場，他同樣冇答問題，微微笑走過。

(蘋果日報)