23.6 C
Hong Kong
星期五, 三月 29, 2024

    【完全唔似52歲】劉美君分享養生之道!

    歌手劉美君亮相奇妙電視節目《同sing同戲》,接受主持鍾煒喬訪問,被喻為「最索嫲嫲」的劉美君,現年雖52歲,但外表完全不似年過半百,她坦言早在30歲時已經奉行健康養生之道,她笑言:「我生活好平衡㗎,好似條直線咁,每晚7點後唔進食,10點瞓覺,所以我好少病痛!」

    提到稍後將要舉行演唱會,問到如何做到10點瞓覺的生活規律?她說:「開騷嘅話,我5點鐘就食嘢,同時間飲杯綠茶,因為我身體好清,一杯綠茶就可以頂到夜晚完騷㗎喇!今次我個演唱會係非一般演唱會,只唱不演!我個騷無論視覺上、聽覺上都有好強烈戲劇性,每一樣喺舞台出現嘅嘢都有佢嘅意思,唔係為做騷而做騷!」

    劉美君又澄清外界誤會她的演唱會將有「踩界」演出,她說:「我諗大家睇完會覺得有衝擊嘅,但唔係咸濕呀,只係因為冇前車可鑑啫!大家都知我劉美君從來都唔求其,亦唔衰得,所以會呈現自己最好嘅嘢出嚟!」
    (on.cc東網)
    SHARE

    喜歡我們的文章嗎?按個讚吧!