藝人張栢芝最近經常活躍社交網，差唔多日日都有更新，仲要係有圖有片有文字！

今日佢係ig上載了兩段短片，片中影住佢出海玩水上活動，但連日香港天氣都炎熱兼陽光猛烈，佢就諗到一個既可防曬又可以護膚嘅方法，就係敷住面膜、戴帽戴超玩水上活動，佢話「理得人哋話我咩啦」，仲話呢個係「2017最新造型」！

而第二段片，就見到敷住面膜嘅栢芝落咗水喇，佢瞓喺滑浪板上游嚟游去，佢話咁樣就能夠減肥，佢平時就喺海度4個鐘，游嚟游去等浪嚟，佢又示範坐板，直言有時一坐就係4個鐘先等到一個浪，而網友就大讚栢芝嘅泳姿似足一條美人魚。

(on.cc東網)