經典愛情電影《鐵達尼號》男、女主角里安納度狄卡比奧（Leonardo DiCaprio）同琦溫絲莉（Kate Winslet），傳出由銀幕情侶變真情侶，有雜誌驚爆兩人拍拖，仲影到佢哋一齊喺法國游水度假，消息震驚全球！
美國雜誌《Star》話有消息人士指，里安納度當年已經對琦溫絲莉一見鍾情，一路都覺得對方係世界上最靚嘅女人，即使身邊伴侶經常換，依然覺得「肥溫」先係「對的人」，只有同佢之間先可以好好咁溝通！
再者，琦溫斯莉同老公Ned Rocknroll近日傳出婚姻有問題，而里安納度咁岩今年又回復單身，就係咁，就傳出兩人擦出愛火！
不過呢單嘢傳出無耐，美國闢謠網站《Gossip Cop》就引述佢兩位身邊好友話，佢哋仲係好朋友，仲轉述里安納度回應，話男主角同佢哋講，報道所有嘢都係假！
（Sina)
