蔡少芬(Ada)分別喺11年同13年為老公張晉生咗兩個囡囡，大女女張楚兒（湯圓）同細女張信兒（包子）。

做咗人母後，Ada不時喺微博貼同女兒嘅互動相，去迪士尼開生日會，為愛女做勞作手工。話咁快， 大女湯圓已完成幼稚園生涯，日前Ada上載咗同兩個囡囡嘅咀嘴相，留言話：「湯圓包子上學了！時間過得太快，不捨得你們長大！湯圓這樣就一年級了…包子就k2了！媽媽爸爸愛你們啊！願新的一年，學好玩好！ 」

相中見素顏Ada對兩個女又錫又攬，好唔捨得咁，又係時候要唱Eason首「大得太快」囉！

 (蘋果日報)