蘇永康今日喺灣仔會展舉行專輯「love from the last century」分享會，是次屬蘇永康推出首張hifi碟，蘇永康喺現場在場同新人張美儀演出，太太馮翠珊同囝囝Jazz都有到場支持。
新碟中特別灌錄咗陳百強嘅《夢裡人》，蘇永康解釋：「我個仔喺屋企聽到我嘅歌會扁嘴，聽其他都唔得，係聽到陳百強先OK，聽草蜢仲識跳舞。」
蘇永康話等咗7年先有機會搵劉賢德（hifi德）為佢製作首張hifi碟，蘇永康話：「公司冇限我製作使錢，計埋拍MV使咗120萬，過往我冇試過令公司蝕錢，今次要賣1萬8千隻碟先唔使蝕，林子祥賣3萬隻，盧冠廷賣2萬，我哋希望追住呢個水平去做。」
(蘋果日報)
