【之前一直唔認】IG洩蜜 終於公開關係!?



台灣男星柯震東出道六年,緋聞女友一籮籮,不過公開認嘅女友就只有蕭亞軒一個,佢哋喺14年分手之後,柯震東北京涉毒被捕,有指當時好友李毓芬向柯震東伸出援手,坊間盛傳佢哋仲日久生情撻着,二人又不時被影到二人世界撐枱腳,不過多年嚟都冇公開承認關係,仲屢傳分手o添!


不過原來佢哋情比金堅,日前柯震東爸爸生日,除咗柯爸爸幾位好朋友之外,囝囝柯震東仲帶埋女友李毓芬出席。

而柯爸爸仲喺IG post大合照,其中柯震東同李毓芬企埋貼到實,仲齊齊擺V字手勢o添!陪埋男友出席重要聚會,睇嚟佢哋同公開關係都冇分別囉。

(蘋果日報)