近日歐陽靖（MC Jin）以「Hip Hop Man」身份參加大陸節目《中國有嘻哈》。
不過，MC Jin喺最新播出一集中被淘汰，唔少網友都覺得好可惜。
喺節目播出後，MC Jin就喺微博開live同網友互動，最高峰時期仲有成超過300萬人觀看。
直播時，MC Jin就表示自己喺杭州演出緊，仲話會喺大陸開巡迴演唱會。
提到被淘汰一事，佢覺得當時好感動，而睇到節目播出時，其他選手講嘅說話就令佢更加感動。
他就再次多謝大家支持，仲話自己喺節目中所說嘅每一句都係出自真心。
「在這個平台離開不是一個ending point，是一個開始，不只是我，每個選手都應該這樣想，大家加油，將中國的嘻哈提高！」
佢都特別多謝評判製作人吳亦凡：「他說我可以replace他們四個，他不需要這樣說，他這樣說是提高我的身份，我真的感覺到他很respect我的身份，我完全感覺到。」
MC Jin之後就貼出同粉絲嘅合照，認為呢15年佢睇到同經歷咗唔少高點和低點，而今次嘅經驗，同樣令佢體會好多，仲鼓勵大家做人要有熱情同希望。
網友亦都留言叫佢要繼續加油，仲話一定會支持佢呀！
(on.cc 東網)
