袁偉豪笑住話：「其實我認識佢都係呢個原因，當年係法拉介紹我畀佢識，喺王浩信婚禮上。。。
袁偉豪同江嘉敏今日喺將軍澳出席活動，席上，江嘉敏表示夏天會去沙灘曬太陽，不過司儀笑佢膚色都唔黑。最近喺深圳拍緊大台劇集《再創世紀》嘅袁偉豪，笑言已經好快適應當地嘅生活，閒時仲會上網買玩具、買衫。
對於被指貌似薛世恒，袁偉豪笑住話：「其實我認識佢都係呢個原因，當年係法拉介紹我畀佢識，喺王浩信婚禮上，法拉話介紹個朋友畀我識，同我好似樣，我自己都覺得似，上年《城寨英雄》熱播，佢話有好多人走埋嚟拉佢影相，甚至乎有啲Uncle都認錯咗佢係我。」法拉有冇認錯佢？袁偉豪笑住話：「梗係冇啦！」佢仲指早前舊愛岑杏賢同薛世恒現身同一活動，其實兩人亦早已認識。問到佢可唔可以同岑杏賢齊齊出活動？袁偉豪話：「我ok，當然都要問下佢，但我相信佢都ok，當係曝光同賺錢，大家都唔介意。」
(蘋果日報)
