今日港姐又Foul一個，成個淘汰過程喺big big channel直播！首先一眾佳麗先逐一進行自己介紹，再接受主持陸浩明（6號）嘅提問！
之後，到一眾星級導師出場，星級導師陳百祥（阿叻）就話第一次做導師教人，仲話要佢揀嘅佳麗做佢女友，但喺戲入面！仲話個佳麗仲可以入到頭三名，因為係專家喎！而另一位導師苗喬偉就話教人際，最緊要唔好得罪人，仲講笑話尤其是唔好得罪阿叻！至於陳凱琳就會教語言方面嘅嘢，王浩信呢就教關於演戲方面嘅嘢。
究竟會淘汰邊個？經港姐評審委員退席商議後，陸浩明宣布被Foul佳麗為Nicole，因為有兩名佳麗都係呢個英文名，其中胡美貽和金美黎都勁緊張，最後上圍驕人嘅胡美貽畀人淘汰！胡美貽接受訪問時強顏歡笑：「學到好多嘢，唔會放棄！」
(東方日報)
