【默認撻着袁偉豪】港姐張寶兒冧爆笑住講:了解中

 

港姐張寶兒被踢爆同袁偉豪撻着,接受訪問時,張寶兒全程甜笑冧爆。

問到二人是否拍拖?佢直言了解中:「去到互相了解嘅地步。」之後佢更表示:「大家了解嘅方法係唔同嘅,我都會想了解呢個人嘅作品,係個點樣嘅人。」

問袁偉豪是否她喜歡的類型,Bowie笑說:「我好欣賞佢。欣賞佢係一個好務實好出色嘅藝人。」問到會唔會畀機會袁偉豪,佢就話:「大家起碼唔抗拒,再睇吓點囉。」

有指Bowie亦在社交網站放閃,她說:「睇到報道我都有啲驚訝!嗰個Page係選完後粉絲幫我開嘅,選完後就一直用緊嗰張相,唔係我整嘅。」

Bowie早前回復單身,問到是否已Ready拍拖,她即尷尬說:「都好難講,好似接Job咁,有Job咪接囉!我覺得人生係隨遇而安嘅。」

提到師姐岑杏賢都祝福佢哋,會唔會覺得消除尷尬,Bowie說:「都同佢見過面傾過偈,佢好Nice,冇話尷唔尷尬。同事之間有咁多嘅愛係好事嚟!」

(on.cc 東網)