【結婚十周年】首PO囝囝合照

內地女星黃聖依今年一月喺溫哥華為富商老公楊子生咗細仔後,一家四口非常甜蜜,今日黃聖依就喺微博上載多張家庭照,首次將兩個囝囝樣貌曝光,好得意!大仔仲同爸爸餅印一樣。

其中一張相見到黃聖依抱起細仔大晒長腿,已經係兩子之母嘅佢仍然好有少女味,難怪楊子都忍唔住大讚老婆:「歡迎辣媽回歸,雖然現在要叫你辣媽了,但在我的感覺中你還是個小姑娘」。

而黃聖依就好感性回話:「結婚10周年,有過風雨有過彩虹,珍惜眼前,期許未來。拍個照紀念一下,有你們的日子幸福、知足。爸爸媽媽愛你們,寶貝們!」