即將踏入52歲嘅「美魔女」羅霖今年就未見男友現身，不過佢都唔愁冇「仔」陪，皆因佢三個仔仔都喺香港，仲好乖仔咁又準備蛋糕同禮物，抵錫。
下星期先正式生日嘅羅霖，已經開始咗佢嘅「生日飯局之旅」，喺社交網表示先後已經同咗三個仔仔、空姐年代嘅好友同台灣粉絲會代表預祝生日。
除咗表示感恩之餘，佢亦都上載咗多張合照，當中最吸睛就係佢畀三個「小鮮肉」圍實慶生，又準備咗卡通人物造型嘅禮物。
細仔仲好Sweet咁嘟嘴錫錫媽媽，成件事Warm到呢～睇嚟今個生日羅霖都幾難忘喇！
【三個仔仔喺齊到！】52歲羅霖難忘過生日
