54歲金像影后海倫亨特（Helen Hunt）跟監製男友Matthew Carnahan日前被爆分手，結束長達16年嘅戀情。
據身邊人透露：「海倫同Matthew有問題已經幾年，二人已經分開咗幾個月。過去數年，兩個關係一直麻麻，好多起伏，只係因為女兒先堅持喺埋一齊。其實佢哋之前都已經試過分開，不過今次就似乎嚟真。」但同時亦有指海倫同Matthew身邊嘅朋友為「分」訊感震驚：「身邊朋友都好驚訝，因為海倫同Matthew成日孖住出現時都好恩愛，佢哋身邊好多已經結咗婚嘅朋友不時講笑話好羨慕。」點知最後都係分手收場。
海倫與Matthew育有13歲女兒Makena Lei。
(on.cc東網)
