【本身仲想繼續生】昆凌打消生第三胎念頭

    昆凌6月8日為周杰倫(周董)生咗囝囝羅密歐,同囡囡小周周湊夠一個「好」字。

    日前周董受訪話「一打二」已經夠忙,所以第3胎就未有計劃,而周董老婆昆凌今日出席代言活動亦都話,兩個寶寶除咗照顧會慌亂,因為親餵人奶,遇到「塞奶」(乳腺阻塞)好痛,令佢打消生第三始嘅念頭,「(塞奶)真是會痛到流淚、想打人,現在兩個就很好了」!

    昆凌生完第2胎身材迅速恢復,五呎3吋嘅佢,目前約100磅,同生之前體重一樣,但周董反而有啲發福,昆凌就幫老公解釋話:「可能陪我坐月子時,大家來探望送鹹酥雞等好吃的來,他可能吃比較多,但是我覺得還好,他的手臂肌肉很大,很有安全感。」

    昆凌仲透露周董依然有腹肌線條。囝囝腳頭好,自從生完B,昆凌就不停接奶粉、尿片廣告,粗略估計短短兩個月已進帳港幣500萬。今個月28日,佢就會去上海做活動,同場除咗有老公周董外,仲有周董舊愛蔡依林Jolin都會出現,對此昆凌就話唔清楚,佢話如果見到Jolin都會同佢打招呼,唔覺得尷尬。

    (蘋果日報)

    SHARE