【宣布老婆懷孕】首PO相仲係咁FIT!

     

    現年44歲嘅韓流始祖裴勇俊同31歲女星朴秀珍前年結婚,去年10月兩人做爸媽,朴秀珍為裴勇俊誕下慈姑掟。

    大前日裴勇俊夫婦再傳出喜訊,宣佈朴秀珍再度懷孕,裴勇俊將再做老竇。

    雖然朴秀珍方面未有透露懷孕幾多周,只表示係懷孕初期,而朴秀珍自公佈懷孕消息後,今日終於更新Instagram,並上載新照。

    照片中,朴秀珍穿上藍色薄紗裙,雖然條裙好薄,但本身身形纖瘦嘅朴秀珍依然咁瘦,而小腹位置仲好平,似乎因為懷孕初期所以仲未見肚。

    (蘋果日報)

    SHARE