【幾忙都要接囡囡﹗】 陳琪胡諾言一行四人接家姐放學

    AC今日乃莘莘學子開學日,不少藝人一朝早已相當忙碌,為湊仔女返學而頻撲,如早前滿約無綫而轉戰KOL的陳琪,除了親自接載升讀小三的大女胡芷苓返學外,於放學時間更攜同老公胡諾言及細仔、細女浩浩蕩蕩接放學,令芷苓驚喜非常,及後一家五口更於學校門前拍照留念。

    一家四口接大女放學

    陳琪透露老公正忙於拍攝無綫劇《特技人》,近期經常通宵班,甚少陪伴家人,就連早前暑假,湊小朋友責任幾乎全落在她身上,故今早難得不用開工,即犧牲休息時間也要湊芷苓放學,更謂:「等爸爸可以陪吓小朋友,家庭樂一陣,細妹出年先升小一,今日趁未開學咪一齊嚟接家姐,記得舊年湊家姐返學時,細佬仲喺我肚度未出世,今年就出咗嚟親身接家姐,感覺好得意。」

    帶百科全書返學開心些牙

    談到芷苓首日上學心情,陳琪笑指女兒嫌暑假太長,她謂:「佢好想快啲返去見同學仔,明明今日唔使帶書包,唔知點解佢袋嘢都咁重,原來佢帶埋之前澳洲旅行買嘅百科全書返學校,成本字典咁厚,佢話想同同學仔一齊分享,真係好搞笑。」

    (東方日報)

    SHARE