【蔡少芬為囡囡預備愛心午餐】但就畀網民批評…

    今日係9月1號,唔少學校都開學。除咗學生哥要早起身返學之外,就連媽咪都要早起呀!好似藝人蔡少芬就一早起咗身為囡囡「湯圓」預備飯盒。

    佢喺微博晒出為囡囡整午餐嘅相,仲留言:「從此。。。起來的第一件事!(湯圓學校中午飯!)」相中見蔡少芬包緊壽司,仲切埋生果,好似提子、蘋果等,睇起嚟好豐富啵!

    有網友大讚個午餐賣相唔錯,不過亦有網友就批評蔡少芬整嘢食唔戴膠手套,仲搽埋指甲油有欠衞生之嫌。

    雖然外界反應不一,不過相信影響唔到囡囡對個飯盒嘅期待程度,佢仲幫手包埋壽司,真係好乖女呀!

    (on.cc東網)

    SHARE