前港姐冠軍張名雅與圈外老公蔡錦豪婚後一直恩愛如昔。
今年3月更誕下囝囝Mario，一家三口幸福滿瀉。
近日佢哋仲去咗英國旅遊，相當開心。
名雅老公喺社交網上載出發嘅照片，仲話：「Our first flight with Mario. Such a challenge.（今次係Mario第一次搭飛機，絕對係一個挑戰。）」
相中就見到佢兩公婆有得出外都不知幾開心，不過Mario就似乎有啲驚，喊晒咁呀！
原來名雅此行仲有個目的，就係慶祝老公嘅生日，佢仲偷偷哋帶咗個蛋糕上機添！
太太咁有心思，相信老公都覺得Sweet爆，有蛋糕都唔止，仲有香檳。相信呢個Trip對佢兩公婆嚟講都好難忘呀！
(on.cc 東網)
