黃浩噚晚喺紅磡一間酒店舉行45歲生日會。
太太徐菁遙（Suki，前名徐淑敏）同3個女之外，仲有何傲兒、薛芷倫、張寶華、張曦雯、傅明憲、盛品儒、唐貝詩、范振鋒同太太李思欣、林建岳及女友等等。
生日會以荷李活電影為主題，Suki好主動咁尖叫：「我幫佢諗0架！」生日蛋糕都有4個，跟住現場有人大叫「生多兩件！」黃浩即笑住話：「呢個一定要啦！」仲話自己重質不重量。黃浩受訪時話：「生日願望係一家人開開心心，個主題係Suki諗，我原本想扮占士邦，不過真係太趕，依家紅色西裝加黑超，其實都唔知自己似邊個。」
三個女送咩禮物？黃浩話見到囡囡已經好開心：「今晚陪我瞓得啦，因為平時佢哋返學陪唔到我。」講到將來大計，黃浩話：「都係搞緊《壹周刊》，9月尾會交收，啲時間好趕。」又稱唔係想做傳媒大亨：「學習緊，想俾條新路大家。」
（蘋果日報）
