【隔離飯香?】網民大讚澳門國際小姐吸引

    TVB噚晚搞嘅「 2017 香港小姐決賽」有唔少人都睇到面紅赤耳,除咗認為冠軍欠說服力之外,由「校長評判」 Do 姐 ( 鄭裕玲 ) 嘅「關鍵一票」選出冠軍嘅做法亦為人詬病。與此同時,有網民就揾嚟 2017 年國際小姐澳門小姐麥嘉欣 ( Sofia Paiva ) 做比較,一睇之下,似乎真係鄰近地區佳麗更為「吸睛」?

    今年 20 歲嘅 Sofia 係一位土生土長嘅中葡混血兒,除咗有一般歐洲人立體嘅五官之外,亦有東方人擁有嘅甜美笑容,非常吸引。 Sofia 現時喺澳門聖若瑟大學就讀心理學系,希望日後能夠成為一位成功嘅心理學家。

    Sofia 將會喺 11 月代表澳門到東京參與國際小姐競選,想留意佢備戰情況嘅話可以關注佢嘅 Facebook 同 instagram啦!

    (Sina)

    SHARE